1688/2022-2023
Mamit 23rd August, 2022 : Bairabi Police Check Gate leh PSC Bridge (Tlawng lei) inkar Ch 0.00 to 0.800 kmp chu PWD te'n Dt. 24.8.2022 to 6.9.2022 chhung hian Rigid pavement-in a siam that hna an thawk dawn a. Chuvangin helai kawngah hian lirthei tlan dan ruahmanna siam tula hriat a nih avangin Pu Vineet Kumar, IPS, Superintendent of Police, Mamit District, Mamit chuan Motor Vehicle Act, 1988 (Act 59 of 1988) Section 115 leh Mizoram Sawrkar Notification No. B. 12021/10/2004-TRP Dt. 01.06.2020 -in thuneihna a pek angin Bairabi Police Check Gate leh PSC Bridge (Tlawng lei) inkar Ch 0.00 to 0.800 kmp chu Dt.24.8.2022 to 6.9.2022 chhung hian lirthei LMV aia lian tan zawh phal a ni lo tih thuchhuah a siam a ni.
Hemi hun chhung hian Mamit District lam atangin Bairabi lam panin (Tlawng lei paltlangin) lirthei LMV aia lian tan tlan phal a ni lo.
Kawngpui tha zawk kan neih theihna tur a nih avangin thupek hi ngaipawimawh theuh turin mipuite ngen leh hriattir kan ni a. Thupek bawhchhia chu U/s 179 MV Act hmanga hrem theih an ni ang.
