No.7365/2020-2021

Vawiin khan East Tuipui bialtu MLA Pu Ramthanmawia, Vice Chairman, Bamboo Link Road Board chuan Khuangleng khuaa Sial vulhtute hmalaknate a tlawh a. Fostering Climate Resilient Upland Farming System in the Northeast (FOCUS) project first installment kaltlanga A.H & Vety. Department, Champhai District, FOCUS Project hnuaia hmalakna ‘Mithun Shelter-Community Level and Water Supply Facility for Grazing Area’ hnuaia Se In sak, a dung feet 30 leh avang feet 20, a vengtute chawlhbuk sak leh tuipekna Thiltengaw leh Sihpuia siamte hman theih turin a hawng.

Pu Ramthanmawia chuan  East Tuipui bial chu Sial vulhna tura hmun duhawm tak anih thu sawiin, FOCUS Project kaltlanga a  bial chhunga hmalakna tha tak tak awmte chu fakawm a ti a. Ram siamthatna leh mipuite dinchhuahna tura kawng hawn ani chu lawmawm tiin, Sawrkar flagship program SEDP chu chak taka kalpui chhoh tum anih thu a sawi a. Sawrkar Department hotute'n Sial vulhtute tiphur thei zawng leh chhawmdawlna ngawrh taka an thawh avangin an chungah lawmthu a sawi a. Sial vulhtute pawh hotute hmalakna hriaa hlawhtlinpui tuma theihtawp chhuah zel turin a chah bawk a ni.

Thusawitu dang Bawrhsap Pi Maria C.T. Zuali chuan Sial chu pipute hunlai ata tawh  mizo nuna bet tlat anih avangin hlutna chang kan hriat deuh deuh angai ani, a ti a. Sial vulhtu te'n ramsa dangte avanga harsatna an neih chuan tan chhan tur tha tawk tak nen hotute hriattir thin turin a chah a. Khawchhak tlangdung hmingthanna Sial chu tam lehzuala vulha a lo ropui zual deuh deuhna tura tanla turin Sial vulhtute a sawm a ni.

He hun hi Dr.B.Zonghinga, D.V.O Champhai District chuan a kaihruaia. Undivided Champhai district chhungah Sial vulh khaw 20 an awm thu leh chung zinga khaw 10 thlan hmasakahte FOCUS project kaltlanga Sial vulh tanpuina leh chhawmdawlna pek an nih thu a sawi.

DAO Champhai & DPM FOCUS Pu George Lalthanngura chuan FOCUS project atan Champhai Districta thlan ani chu district tana thu lawmawm tak anih thu sawiin, hlawhtlinpui tura  theihtawp chhuaha thawhhopuiah district mipuite a sawma. Pu  Lalsangliana Colney, Secretary, Sial Vulh Association Khuangleng leh Pi Laltlansangi Khuangleng VCP te'n thu an sawi bawk.

Pu Ramthanmawia hi Pi Maria C.T. Zuali Champhai DC, Pu George Lalthanngura DAO & DPM FOCUS, Dr. B.Zonghinga DVO, Pu Lalduhthlana DFO, Pu TT Laltanpuia DEO,  Pu Benjamin Zalawma Ralte BDO, Dr. Lallawmkima DIPRO, Pu Zothanmawia CDPO Khawbung, Pi Lalhruaitluangi SDEO Champhai, Dr.H.Vanlalhmangaihzuala VO Khawbung leh Official dang te'n an tawiawm a ni.