Nimin (13.2.2018) khan Tuivawl Bialtu Pu R.L. Pianmawia, Deputy Chief Whip chuan Tuirini Lei dawh chim ta chu a tlawh a; Tuivawl bial leh Chalfilh bial mipuiten Tuirini Lei chu a hlui tawh avanga harsatna lian a thlen hlau va Chalfilh Group YMA hmalak tawh dan sawiin Lei chim chu pawi a tih tak zet thu a sawi.

Lei dawh chhiaa Pu H.C. Lalfakzuala Sesawng Venglaiin nunna a chan ta chu Sorkar pawhin pawi a tih takzet thu sawiin, hliam tuar Laltleipuia, Sesawng pawh dam leh thuai tura a duhsak thu Pu RL Pianmawia hian a sawi a. Lei dawh chim avangin buhfai ah mipuiah harsatna a thlen loh tur thu a sawi bawk.

He vanduaina thleng avanga Sesawng leh Darlawn inkara V/C, YMA leh mi tlawmngai thahnem tak kal khawmte chu MLA chuan lawmthu hrilhin, Mizo tlawmngaihna langchhuakin a thla a tihmuan thu a sawi a. Lei chim avanga in dem tawn mai lovin hmangaihna leh lainatna tilang zel turin mipuite sawmin, "He vanduaina hi Sorkarin pawi a ti takzet a, mipuite tan harsatna thleng thei tur lakah pawh theihtawp chhuah a ni ang" a ti.

Pu RL Pianmawia chuan Lei chim vanga mitthi ralna neiin hliam tuar a kawm nghal bawk.