587/2022-2023
Aizawl 23rd May, 2022 : Vawiin khan 1st Bn MAP English Medium School-in kumin 2022 HSLC Result-ah zaah za (100%) an Pass Lawmna chu Aizawl East-II bialtu MLA leh Sports Minister Pu Robert Romawia Royte chuan a telpui.

Minister Pu Robert Romawia Royte chuan 1st MAP English Medium School ten HSLC exam an hmachhawn vawihnihnaa HSLC candidate an neih zawng zawngin an zavaia an pass chu lawmawm a tih thu sawiin nikum exam-ah pawh 100%-in an lo pass tawh bawk tih a sawi a. MLA a nih hma atang tawha he School tana theih tawp a lo chhuah tawh thu leh NECS pawhin IDMI Scheme atangin Rs 27 lakhs chuang sengin building an lo saksak thu a sawi a, School hmasawnna tura kawng hrang hranga tanpui a inhuam thu te, Lumpsum Grant status maia ding an nih avangin MLA Fund atanga thla tin Rs 15,000/-a a puih tur thu leh an zirtirtu mi 21 tan Uniform man tur Rs 5,000/- theuh a tumsak tur thu a sawi bawk.

School naupang an thathnem avanga classroom siam belhna tur Project siama sum a zawnpui tur thu bialtu MLA Pu Robert Romawia Royte chuan a sawi a. Mizo nu leh paten State pawna fate zirna atana sum sen kan inhuam anga State chhunga kan fate zirna sum senso atana kan inhuam chuan tun aia sikul tha hi Mizoramin kan neih a rin thu a sawi bawk. Minister chuan National Education Policy 2020 angin School thuneitute chu naupangte infiamna uarpui turin a chah a, Sports material pawh he sikul tan hian engemaw zat a pe bawk.

He result lawmna inkhawmah hian Nl Christina Roluahpuii Sailo, Councillor, AMC Ward VIII chu Khualzahawm niin thu a sawi bakah Computer set a pe a, Pu Lalringdika, MPS, Commandant,1st MAP leh School Management Board Chairman te pawhin thu an sawi a ni.

He sikulah hian zirlai 253 awmin zirtirtu 21 an awm mek a, kumin HSLC-ah zirlai 12 exam-in an zavaiin an passed vek a ni.