Pu Robert Romawia Royte, Hon’ble Minister, Sports & Youth Services Department chuan vawiin ni 18.1.2020 zing dar 7:30 khan Aizawl khawpui chhunga Zirna In hrang hranga NSS volunteer ten Fit India Movement hmalakna kal zel atan Walkathon an neih a hmanpui. Aizawl khawpui chhung College leh Higher Secondary School hrang hrang 13 atangin NSS Programme Officer leh Volunteer 500 chuang zet thawkchhuakin Walkathon hi Vanapa Hall atangin Chanmari kawn thleng an nei a ni.

He Fit India Movement - Walkathon Flag Off Programme hi Vanapa Hall kawtah zing dar 7:30-ah neih a ni. He programme hi Dr Zirlianngura, State NSS Officer cum Deputy Secretary NSS Cell Mizoram chuan a kaihruai a. NSS volunteer, POs leh Officials ten Fit India Pledge thutiam an nei. Chumi hnuah Khuallian Pu Robert Romawia Royte, Hon’ble Minister, SYS chuan Fit India movement lo chhuah dan, pawimawhzia leh hemi programme tihhlawhtlin nana NSS Volunteer-ten vawiin zinga Walkathon an nei thei chu lawmawm a tih thu a sawi. He programme-ah hian Sports & Youth Services Department-a Additional Secretary Pu Lalrinawma, Director Pu Zothanmawia, MSSC Secretary Pu C.Laltlanthanga te bakah Official eng emaw zat an tel bawk a ni.

Fit India Movement – Walkathon hi Aizawl-ah chauh ni lovin, Mizoram chhunga District capital zawng zawngah vawiin ni 18.1.2020 (Saturday) zing karah hian NSS volunteer ten an hmang vek a ni. Chumai bakah vawiin vek hian India ram pumah NSS Volunteer mi nuai chuang te chuan Cyclathon/Walkathon hi an hmang bawk a ni.

NSS Unit hrang hrang thawkchhuak te chu: 

1) Govt. Zirtiri Residential Science College 

2) Govt. Mizo Higher Secondary School 

3) Modern Higher Secondary School 

4) Govt. Zemabawk Higher Secondary School 

5) Govt. Central Higher Secondary School 

6) Synod Higher Secondary School 

7) Govt. Mamawii Higher Secondary School 

8) Govt. K.M. Higher Secondary School 

9) Helen Lowry Higher Secondary School 

10) Govt. Chaltlang Higher Secondary School 

11) Govt. Republic Higher Secondary School 

12) Public Higher Secondary School 

13). Govt. JL Higher Secondary School te an ni.