Vawiin khan Pu Robert Romawia Royte, Sports & Youth Services, Tourism leh Information & Communication Technology Minister chuan Mamit GSA Playground/ Multipurpose Field tihchangtlun dan tur a hmunah kalin a enfiah.

Pu Robert Romawia Royte chuan Mamit GSA Playground chu Financial Year tharah Stadium tha tak nena chei a nih tur thu a sawi a. Tuna Pavilion dinglai te chu a tul anga thiah a, mipui tam tak len theihna tur sak thuai a nih tur thu a sawi a ni.

Sports Minister hi Mamit bialtu MLA Pu H. Lalzirliana'n lo tawiawmin Mamit GSA Playground, Multipurpose field-a tihchangtlun dan tur a hmunah hian a ruangam awmdan tur an en dun a. Motor kalkawng tibuai lova Stadium hnuaia Motor kal thei tura ruahmanna siam nise an ti. Heng bakah hian Minister hian a Department chan Tourist Lodge tihchangtlun thuai anih tur thu a sawi a, hei bakah hian Mamit District chhunga inbiak pawhna connectivity tha a awm theih nan Central lama thuneitute leh Company-te a dawr mek thu a sawi a. GAD hnuaiah Circuit House changtlung tak nakum Financial Year chhunga sak zawh hman tura beisei anih thu a sawi bawk.

Sports Minister hi Tourist Lodge-ah District Officials te'n lo dawngsawngin vawiin vek hian Behliangchhip,Zampui tlang Tripura Group YMA Conference Vawi 30-na hmanpui turin Mamit a chhuahsan lehnghal a ni.

Attachment

  • Loading attachment...