No.2306/2021-2022

Aizawl, 22nd September, 2021 : Ni 20. 9. 2021 Thawhtan ni khan Union Sports Minister Anurag Singh Thakura kaihhruaina hnuaiah Sports Ministers’ Conference chu online mode-a neih a ni a. Hetah hian Sports Minister Pu Robert Romawia Royte chuan India rama sports hmasawnna tak tak a thlen theih nan Sports chu India Constitution a state list atangin concurrent list ah dah a rawt a. Pu Robert Romawia chuan sports hmasawnna ruhrel din leh chak zawka sports lama hma sawn turin Central Sorkar leh State Sorkarin sum leh tha an thawhdun a tul avangin sports chu Concurrent List-ah awm se a tha zawk dawn a ni, a ti.