No.2305/2021-2022

Aizawl the 22nd September, 2021 : Vawiin khan KVK, Lengpui buatsaihin NABARD hnuaia Lengpui RD Block huamchhunga kuthnathawka eizawngte pual hmasawnna programme hrang hrangte sawihona leh inhrilhfiahna hun Reiek-a BNRGSK Hall-ah neih a ni.

Reiek BDO kaihhruai he programme-ah hian Pu JD Traite, District Development Manager, NABARD Kolasib/Mamit chuan NABARD atanga project leh Scheme hrang hrangte a hrilhfiah a. KVK Mamit/Lengpui atangin Angel Business Promote Vanapa Society, Clovers Organic Private Ltd., Self Help Group leh Farmers Producers Organisation te an tel bawk a ni.

Hemi hnu hian Dr Vanlalhruaia Hnamte, Senior Scientist and Head, KVK Mamit/Lengpui hovin Reiek leh a chhehvel chhungkaw tamtakin eizawnna atana an hman Aieng chi thaloin a pawlhsawp, a chitha (Curcumin sang) a thlak dan tur sawiho a ni a, a hmunte an tlawh nghal bawk a ni.