No.2304/2021-2022

Aizawl Mimkut thla ni 22, 2021: Vawiin khan Lawngtlai Bawrhsap Dr Andrew H. Vanlaldika hovin Lawngtlai DC Conference Hall-ah Lawngtlai khawpui chhunga two wheeler taxi service-tir chungchanga thil pawimawh hrang hrang sawi ho a ni.

State Transport Authority (STA) chuan Lawngtlai khawpui chhungah two wheeler taxi service a remti tawh a. Permit pek chhuah zat tur ngaihtuah a, September, 2021 ral hmaa rawtna thlen tura tih a nih angin vawiin hian hemi chungchang hi ngaihtuah a ni a. He hunah hian District Administration, state leh LADC Transport Department leh Police lam official-te, District Consumer Forum, VC Association, Central YLA leh LSA ai awhte an tel a ni.

Vawiin thut khawmah hian STA-in Lawngtlai khawpui chhunga two wheeler taxi service a remti chu Lawngtlai tan hma sawnna lawmawm tak a nih dawn avangin tun dinhmuna khawpuiin a zawh tawk tura ngaih permit 100 vel bawr dil phawt ni se, tih a ni a. Two wheeler taxi service huna khawpui chhunga traffic felfai zawk a awm theih dan tur ruahmanna leh rawtna te sawi ho a ni bawk.