No.2303/2021-2022

Aizawl Mimkut thla ni 22, 2021: Vawiin khan Lawngtlai District Level Standing Committee (DLSC) chu an Chairman, Lawngtlai District Election Officer Dr Andrew H. Vanlaldika hovin Lawngtlai DC Conference Hall-ah an thu khawm a. Lawngtlai District chhunga polling station hmun sawn tur leh hming thlak tur an ngaihtuah ho.

Chairman Dr Andrew H. Vanlaldika chuan Special Summary Revision, 2022 kalpui mekah Election Commission of India (ECI)-in polling station siam rem nan hun a hawn thu sawiin, Booth Level Officer (BLO)-te'n an zir chian hnuah polling station hmun sawn tur pasarih (7) leh hming thlak tur pahnih (2) rawtna siam a nih thu a sawi a. Member Secretary, Election Officer Pi B. Malsawmtluangi chuan polling station hman lai dinhmun leh a hmun sawn a tul chhan te, sawn tur leh hming thlak tura rawt te a sawi fiah a. He'ng rawtnate hi sawi ho niin, rawtna awm anga kal tlangpui turin Mizoram CEO kal tlangin ECI-ah dilna thlen ni se, tih a ni.

Lawngtlai District chhunga polling station hmun (building) thlak tura tihte chu:

1. 38/30-Rawlbuk - Govt Primary School-II atangin Govt Middle School-ah.

2. 37/49-Hmawngbu - Govt Primary School atangin Govt Middle School-ah.

3. 37/18-Chawnhu - Govt Primary School atangin Rev. Thanzinga Memorial Govt Middle School-ah.

4. 37/7-Sumsilui - Primary School atangin Govt PK Memorial Middle School-ah.

5. 37/21-Chawntlangpui - Primary School Chawntlangpui atangin Govt Middle School Chawntlangpui-ah.

6. 36/10-Saizawh West - Primary School atangin Govt Comprehensive Middle School-ah.

7. 36/14-Kamalanagar-II 'S' - Primary School, Kamalanagar-II (SSB Colony) atangin Govt Higher Secondary School, Kamalanagar-II-ah.

Lawngtlai District chhunga polling station hming thlak tura tihte chu:

1. 36/65-Kamtuli - "Primary School Kamtuli" tih chu "Kamtuli Primary School" tiin.

2. 36/13-Kamalanagar-II 'N' - "Primary School Kamalanagar-II" tih chu "Govt Comprehensive Middle School K-II" tiin (a school-a hi upgrade a nih vang a ni).

Vawiin DLSC thut khawmah hian ERO-te, AERO-te, sawrkar department official-te, political party leh tlawmngai pawl ai awhte an tel a ni.