Pu Rodney L. Ralte, IAS Deputy Commissioner, Mamit District, Mamit hovin Dt 29.5.2012- 30.5.2012 nihnig chhung thangin Reiek Block huamchhung khaw hrang hrang Reiek, Ailawng, W. Lungdar, Khawrihnim, Hreichhuk, Lungphun, Kanghmun, Chungtlang, Rulpuihlim, Tuahzawl leh Rawpuichhip khua-a Centrally Sponsorship Scheme hna hrang hrang te endik a ni. Pu Rodney L. Ralte IAS Deputy Commissioner chuan khaw hrang hrang a NLUP dawngtu te, hnathawktu te chu hlawhtling ngei tura mahni hnathawh tha taka thawk thin turin a chah a. NLUP hi Mizoram Sawrkar Programme pawimawh anih avangin leh hetiang tluka mirethei khaichhuahna tur a sawrkar hmalakna tha hi a awm tawh kher lo mai thei a, chuvangin he hun hi hmang tangkaiin dinchhuah nana hman ngei tum tur leh NLUP leh sawrkar Department hna hrang hrang te pawh a hlawhtlin theih nan mipui te hian kan thikthu kan tihchhiat a, sawisel nachang kan hriat a hun tawh a, kan khawchhunga hnathawktu te pawhin hna an thawktha lo a nih chuan thuneitute te hnenah kan thlen thin tur a ni a tiin hnathawk tha te chu chawimawi an ni a anga a thawk tha duhlo te chu a remchan dan ang anga hrek thleng pawhin sawrkar chuan hmalak a tum a ni a ti bawk.

District Bawrhsap chuan office hrang hrang te Mamit-a dawr kher ngai lova an khua-a an kal remchan lai chuh a, an harsatna ang ang te chu inthlahrung lova thlen zung zung turin mipui te a sawm a, NLUP a ni emaw sawrkar hmalakna hrang hrang te hi a hlawhtlin ngei theih nan official te chuan theihtawp an chhuah a, a hlawhtlin hun nghakhlel takin an thlir reng a ni tiin mipui te chu hlawhtling ngei tur leh taima taka hna thawk turin a chah a ni.

Heng khaw hrang hrang a tlawhna ah hian Department hrang hrangin CSS hnuaia an hnathawh te leh hmachhawp te a hmunah a enfiah nghal a, NLUP dawngtute harsatna ngaihthlak a ni a, an harsatna te chu Line Department ten a hmunah an chhang nghal a, khaw hrang hrang a NLUP dawng, hlawhtling mek te kawmna hun hman a ni bawk, tin khaw hrang hranga ni 100 inhlawhna hnuaia sak BNRGSK Building te pawh a hmunah a tlawh bawk a, Reiek Block chhungah hian BNRGSK Building sak vek tawh a ni bawk.

District Bawrhsap hi Mamit District a Officer pawimawh Project Director DRDA, EE PHE, SDO(S) leh officials engemawzat in an tawiawm a ni.