Vawiin khan Minister Pu R. Romawia, Aizawl North I Bialtu MLA chuan a bial fan chhunzawmin Durtlang Multipurpose Community Hall-ah Local Council, tlawmngaipawl, kohhran leh Party hrang hrang aiawhte nen inkawmhona hun an hmang.

Minister chuan ram humhalh chungchangah Local Council-te’n thikthu tihchhiat a tul chang a awmin inthlahrung lo turin a chah a, sumdawnna atana ram hman hi thil hlauhawm tak a ni tiin duham lova sumdawnna atana hmang lo turin a chah bawk. He hunah hian sawrkar hmalak leh hmachhawp hrang hrangte sawi hovin kalkhawm ten mamawh leh duh an thlente chu theih ang anga hma lakpui a tum thu a sawi bawk.

Durtlang Local Council Chairman Pu Lalrothuama kaihhruai inhmuhkhawmna hunah hian pawl hrang hrang kalkhawmin khawtlang tana hmasawnna tur an sawiho a ni.

Minister hian zirtawpniah bial fan chhunzawmin Bawngkawn a tlawh leh ang.