Ni 14.2.2016-a Adlux, Karakutty (Near Cochin), Kerela-a neih Karate Association of India (KAI) Senior National Karate Championship 2016-ah All Mizoram Karate Association (AMKA) leh Mizoram State Sports Council (MSSC) tirha feh chhuak Mizoram Karate Team chuan Silver Medal 1 leh Bronze Medal 1 an la a; he National Karate Championship-ah hianIndia ram State hrang hrang leh Services leh Police Forces atangin Team 36 telin, Senior player mi 550-in intihsiakna an hmachhawn a, Mizoram Karate Team hi Team Manager-cum-Coach Sensei Lalropuia, Karate Black Belt 3rd Dan chuan a hruai a, player mipa 5 leh hmeichhia 3 an tel a ni.

He championship-a Medalist-te chu International level leh World Championship-ah India aiawh tur an nih avangin, Medal bout thlen dawnah Mizo player-te an chungnung zawk ngeia an lannaah pawh judgment avangin vanduaithlak takin an tla zel hlawm a, Team enkawltu nih pawh a hrilhhaithlak thu sawiin; mahse, technical thilh inzir thar tur leh hmasawnna tur thil tam tak an chhar chhuah tho thu a sawi.

Mizoram Karate Team zinga Medal latute chu hêng mîte hi an ni:-

1. Zonunmawii, +68 kgs = SILVER MEDAL D/o Lairemthanga, Lianpui, Champhai District, SAI Karate Trainee 2. Lalsiamthari, -45 kgs = BRONZE MEDAL D/o K.Sanghnuna, Electric Veng, Lunglei