Pu R.Romawia, Higher & Technical Minister chuan vawiin khan Mizoram Hindi Training College leh Central Hindi Directorate, Ministry of Human Resource Development, New Delhi tangkawp buatsaih nithum awh tur “National Seminar on Significance and Importance of Hindi in the Development of Languages of the North East India” kharna inkhawm a hmanpui.

Kharna inkhawm hi Pu Lalrosanga, Director, Higher & Technical Education in a kaihruai.

Pu R.Romawia chuan Hindi hi kan hmelhriatna hi India Independence hnuah chauh kan hria a, chuvangin hmun dang angin Hindi hi kan thiam lo a ni, a ti. He Seminar a Resource Person te chu hei hi hriain theihtawp chhuah a hetiang Seminar hi nei fo turin a chah a, Mizo thalai tamtak te hian Hindi thiam hi an chak tawh hle a, hemi kawnga zirtirna pe thei chu kan Hindi teacher-te hi an ni a, chuvangin zirtirtute hian thahnemngai tak leh thiam taka naupangte zirtirna pe thin turin a chah.

Khuallian hian National Seminar a paper present tu Mizoram leh State pawnlam a mi te Certificate semin, Dr. H.Dengkimi, Principal, MHTC lehkhabu ziah Gramatical Categories of Hindi & Mizo Language A Constructive Study a tlangzarh bawk.