Zanhnih awh Moonlight Award semnna programme vawi 9-na chu nizan khan MTP Hall, New Colony ah zawhfel a ni. He hun hmanpuitu khuallian Pu R.T. Zachono, CEM, MADC chuan thusawiin, Moonlight Award Organising Board Chief Organiser Pu Jeffrey Khara leh a thawhpuite hmalakna a zarah Saiha district a thalai Zai leh Sports etc. a talent nei engemawzat chherchhuah an ni tawh a, a lawmawm takzet a ni, tiin thalaite chu Ruihthei thil, zuk leh hmuan titu ni lovin a dotu ni turin a chah a. Pathianin talent a pek ang zia zela an talent neih theuh tipung turin a chah bawk. Khualzahawm Pu N. Zakhai, EM, Edn. Pu T. Chatlua, President, MTP (Hqrs) leh Pi Siampuii Sailo te pawhin mipui chibai bukna an nei bawk.

Moonlight Award Organising board hian tukin khan Motherless Baby Home, Saiha enkawltute hnenah Rs. 2,000/- tanpuina an hlan a ni.

Kumin Moonlight Award 2013 dawngtute chu :1) Best Male Artist - John Beizachhi ; 2) Best Female Artist - J. Ruby ; 3) Best Male Gospel Artist - Reuben C. Kypacha ; 4) Best Female Gospel Artist - Lalramhlunmawii ; 5)Best Male New Artist - J. Lalrindika ; 6) Best Female New Artist - Chhingpuii Azya ; 7) Choir of the year - Edenthar Choir ; 8) Most Promising Artist - J. Lalhruaitluangi ; 9) Lai District Best Male Artist - Laldailova ; 10) Lai District Best Female Artist - K. Lalhmangaihthangi ; 11) Best Music Video - Collin Chhaihlo ; 12) Best Sportperson - F.C. Jacob ; 13) Special Award - V.B. Sachai, Chairman, Joint VC ; 14) Life Time Music Award - Siampuii Sailo ; 15) Best Artist, Lunglei District - Rebecca Malsawmtluangi ; 16) Special Award - Rebecca Lallawmsangi ; 17) Special Award - Alex Lalchhuankima ; 18) Special Award - Pu R.T. Zachon, CEM, MADC ; 19) Special Award - V. Biamaisung, Zyphe Idol ; 20) Best Female Announcer - Rosepawngia Hlychho ; 21) Best Male Announcer - Pakhai Syhly 22) Best Sound - Soul Sound (N. Solomon Beihlotha) ; 23) Song of the year ; Huasua Daihti - FC Minela