Association for Environmental Preservation (ASEP) chuan vawiin khan Aizawl Press Club ah ramngaw leh nungcha humhalhna kawnga thawk tha mi 9 te hnenah Chawimawina Citation an hlan. He Chawimawina hlan programe hi K. Lalmuansanga, President chuan kaihruaiin chawimawina hlan programme buatsaih a nih chhante a sawifiah a. Tun tum ami hi a thawhkhatna atan buatsaih a ni a, he lam kawnga Mizoram tana hna thawk tha mimalte hnenah ASEP chuan chawimawina hlan zel an la tum thu sawiin, he programme hian ram mipuite thinlungah environment humhalhna chi a tuh ngei a beisei thu a sawi bawk.Pu Rosiama Vanchhawng, IFS chuan khuallian niin a hmanpui. Chawimawina hlante chu :-

1. Upa C. Rokhuma, Mission Vengthlang : Nungchate chunga ngilneihna neitu a nih avang leh a huan ngaw tha taka a humhalh avangin.

2. Pu K. Hawla Sailo, Tuikual : Nungchate Paradis a din avang leh Tlaiberh lung hial phuntu a nih avangin.

3. Pu K. Lianthanga, Sihphir : Nungchate chenna hmun zau tak humhalhtu a nih avangin.

4. Pu V.L. Bela, Electric veng : Zotheihuan Project duang chhuaktu leh theihtawpa campaign thin a nih avangin.

5. Pu Laldinthara, Bawngthah : ASEP hmalakna avanga a silai vawchhetu a nih avangin.

6. Pu M. Sawmliana, Chanmari West : Environment lehkhabu tangkai tak tak pasarih zet ziaktu a nih avangin.

7. Pi Vanlalbeli, Mission Vengthlang : ASEP hla phuah saktu a nih avang leh environment humhalhna hla a phuah “Ka lungkham” tih chu Cl-XI zirlaiah hial telh a nih avangin.

8. Pu H.C. Thawnga, Upper Khatla : ASEP hla phuahtu a nih avang leh Wildlife Cartoonist a nih avangin.

9. Pu H. Lalhmunsiama, Khatla South : Talent ropui tak sava hram dan hrang hrang hmanga Zoram dung leh vang fanga inpumpek leh campaigner ropui a nih avangin.

Attachment

  • Loading attachment...