Vawiin chawhma dar 10:00 khan New Serchhip YMA Library Hall-ah Serchhip District chhunga Constituency pathum, Serchhip, Tuikum leh Hrangturzo bial tana vote chhiartu tur; Counting Supervisor leh Counting Assistant-te tan vote chhiar dan tur training neih a ni a, Election Officials ten zirtirna an pe a ni.

Heng vote chhiar tur a ruatte hi ECI duh danin duhsak bik awmlova computer hmang a thlan an ni a, November ni 8, Chawlhni chawhma hian an chhiar tur constituency hriattir an ni ang a, November 9, zing dar 5:00-ah an thutna tur dawhkan number hrilh an ni chauh ang.Heng remruatnate hi computer hmanga la tih vek zel tur a ni.

He training-ah hian Postal Ballot-a vote tlateleh EVM-a vote tlate chhiar dan tur khawl hmanga a taka zirtirna pek a ni a, thilfel lo leh hriatthiamloh lo awm palh thei laka chet lak dan tur te uluk taka zirtirna pek an ni. Tin EVM chu a rintlak tawk hle a ni tih Election officials-te chuan an sawi bawk.

He training hi District Election Officer lehBawrhsap ni bawk, Pi Juhi Mukherjee, IAS, Addl. DC PuLalsangaliana, MCS bakah Serchhip District Election Observer ten an telpuibawk a ni.