Vawiin khan D.C. Committee Room, Aizawl-ah Counting Micro Observer-te leh Additional Counting Staff-te tan training vawi hnihna buatsaih a ni.

Training hi Assistant Commissioner, Pi Pinky Zosangpuii chuan pein, Micro Observer leh Additional Counting Staff ten Vote chhiar nia an mawhphurhna hrang hrang bakah dan zawm turte inhrilhhriatna neih a ni.

Election Commission of India thuchhuak angin, MLA inthlan neih zawh taka Vote tla chhiarna felfai leh thianghlim a awm theihnan, Counting Micro Observer leh Additional Counting Staff atan State sorkara stakeholder nilo, Central sorkar hnuaia hnathawkte ruat an ni a. Counting Micro Observer-te hi Counting Hall pathuma Counting Table tinah pakhat zel thuin, an thutna tur Counting Table hi Vote chhiar ni, ni 9 December, 2013 zingkarah randomization-a ruat fel tur a ni ang. Additional Counting Staff-te hian Observer kaihhruainain, Vote tla chhiar tawh atangin EVM pahnih an thlangchhuak anga, hei hi chhiar nawn lehin, a hmaa result nen a inmil em, tih an endik leh dawn a ni.