Vawiin tlai dar 3:00 khan MADC Term 10-na CEM thar atan Pu RT Zachono, Rawmibawk bialtu MDC chu CEM thar atan Pu Kunal, IAS, District Bawrhsap chuan rinawmna thu tiamtir in a la lut.

He CEM thar lakluhna inkhawm programme MADC Complex a neih hi Pu FC Fachhai, Secretary, MADC chuan a kaihruaia, Rev Dr M. Zakonia chuan tawngtaina a neih hnu-ah CEM thar chuan rinawmna thu a tiam nghal ani.

CEM thar chuan thu sawiin vawiin a CEM thar lakluhna programme kan neih theih chhan chu Pathian zarah leh Chief Minister Pu Lal Thanhawla leh Party a ka thawhpui te zarah ani ati a. Central sawrkar leh Mizoram sawrkar te nen rilru inhmu tak leh thawhhona thatak neih kan tum anga, chumi hmang chuan Mara ram hi ram nuam lehhmasawna siam kan tum anga, Kohhran hruaitute nen pawh thawhhona tha neih kan tum ang. Kum 5 chhung kan thupui atan Amosa Bung 5 na ani ang a ti bawk. He CEM lakluhna inkhawm ah hian MDC te leh Party lam hruaitu te chanchinbu mite bakah MADC Staff te an thahnem hle ani. CEM thar a lakluh anih hnu hian CEM chuan a Office Chamber a luahzui nghal ani.

BIO-DATA OF PU RT ZACHONO, CEM, MADC 1.) Hming - RT Zachono. 2.) Pa hming - T.Hrilo (L) 3.) Nu hming - C.Deisa(L) 4.) Pianna Khua - Rawmibawk 5.) Pianni - 20.12.1946 6.) Nupui Hming - S.Sari 7.) Nupui neih Kum - 27.1.1977 8.) Fa neih zat - Mipa 1, Hmeichhia 2. 9.) Qualification - MA (Hist) 1976 (GU) 10.) MLA atan thlantlin Kum - 1978 ( from PC Party ) 11.) Nihna lo chelh tawhte - M.L.A, Chairman (MADC), E.M.(MADC), President MDCC(I), M.D.C.

He CEM thar lakluhna inkhawm ah hian CEM chuan a thawpui tur E.M. pariat hming apuang nghal a chungte chu : N.Zakhai, IP Junior, K.Hrahmo, M.H Tiabi, VB Byhna, K.Chhuabei, KH Beihlo leh FC Lawmkima te an ni.