Pu Zodintluanga, Minister, Information & Public Relations etc chuan vawiin khan Home Missions School in Graduation Day, Vanapa Hall a an neih chu a hmanpui.

Minister chuan school in hetiang programme zirlai te tan an buatsaih thin hian naupangah phurna nasa tak a pek bakah zirna ah an hlawhtlinna an hriatpui hian naupangah sense of accomplishment a siam thin ani a ti. Zirlai kan nih laia kan zirlai kan pass te hi success ti a han sawi mai ai chuan achievement tia sawi tur chi ni zawkah a ngaih thusawiin, Minister chuan success hming pu tur chuan zirna In kan chhuahsan hnua kan chanchin in a hril dawn a ni ati. Pu Zodintluanga chuan zirlai te chu eng hna pawh thawk hreh lo turin a chah a, hnathawh kan zah tlat hi chuan kan ram hmasawn lohna ani a, kan thawh peih loh chuan chimralin kan la awm dawn a ni tiin hnathawh hi enghna pawh nise zahpui tur a ni lo ati. .

Vawiin Graduation Day inkhawm ah hian HSLC leh HSSLC a Top 10 atling chawimawina hun hmang a ni bawk.

Home Missions School hi kum 1985 a din a ni a. 1998 atanga Matric nei tanin kum 2001 atang khan Higher Arts a nei a, kum 2009 atangin Science stream result neih tan a ni. Class X ah hian pakhatna te pawh lo la tawhin class XII Arts ah hian pakhatna tum 3 la tawhin Top 10 an hlah ngai lo a, tin science pawh result neih atangin Top 10 an lanei ziah a ni. Kum 2012 result tlangpui chu hetiang hi a ni. Class X passed zawng zawng 189 niin Top 10-ah mi 4 an awm a, Distinction-ah mi 65. Class XII Arts mi 81 passed in Top 10-ah mi 2 an awm a, Distinction-ah mi 3 in an passed. Class XII science ah mi 82 passed in Top 10-ah mi 1 a awm a, Distinction ah mi 5 in an passed a ni.

Kumin 2012 hian Naupang 2012 awmin zirtirtu 71 leh workers dang 11 an awm.