Vawiin khan  New Secretariat Complex Conference Hall-ah 4th Review Meeting on Oil & Gas Exploration in Mizoram neih a ni a, he meeting hi Industries Minister Pu S. Hiato in a hmanpui.
   
Minister chuan he meeting-in a tum ber chu oil leh gas zawnchhuah chungchangah agencies hrang hrang hmalaknate thlirhona neih leh an harsatna sawihoa tih kian dan ngaihtuah a ni, a ti a. Kan ram hian tun dinhmunah chuan kan petroleum product mamawh hi 25% chiah a hmu chhuak thei a, a bang 75% chu ram dang atangin lak luh a ngai thin a ni, hei hian  kan ram sum dinhmun a ti hniam a, chuvang chuan oil & gas zawnchhuah chungchangah nasa taka tan lak a tul thu Minister chuan a sawi. Pu S Hiato chuan agencies hrang hrangte hmalakna sawilangin Mizoram hi Hydrocarbon Map of India a awm ve theih ngei a beisei thu a sawi a. Minister chuan oil zawnchhuah lamah hian kan thalai ten inhlawhna an hmuh ve theih nan Oil company te chuan training mamawh ang te pe turin a chah a ni.
   
He meeting hi  Pu RL Rinawma, Commissioner Industries in a kaihruai a,  Pu Vanhela Pachuau, Chief Secretary pawhin thusawina hun neiin oil agencies te chuan Mizoram oil thahnem tak an hmuh ngei a beisei thu a sawi a. ONGC, Oil India Ltd. leh Reliance Natural Resources Ltd. ten an hmalakna ah  presentation an siam, hei hi sawihona in a chhunzawm a ni.