Union Govt Secretary Deepak Gupta,IAS, Ministry of New and Renewable Energy chuan vawiin tlai khan Chief Minister Pu Lal Thanhawla chu a chenna bungalow ah a hmu.
Chief Minister leh Union Secretary te hian Union Minister for New and Renewable Energy in Hmarchhak tana Mini Hydel project siam bakah Nizung chakna leh thli atanga kawlpetha(energy) siam chhuah nana a road map siam leh sum mamawh chungchang, ni 2 july 2011 a Guwahati a meeting neiha alo sawi tawh chungchang an sawi dun a. Chief Minister chuan Mizoramin technical lam mithiam Mizoram sorkarin duh ang a neih loh thu hrilhin, road map siam kawngah tanpui kan ngaih thu te, sum lamah pawh central share chu ti tam zawk tur leh funding patternah pawh central sorkar scheme dang anga 90:10 ni turin Secretary chu a chah a ni. Heng thu bakah hian mau hmanga thil siam chhuah chungchangte an sawi bawk ani.
Deepak Gupta, Secretary to the Govt of India, Ministry of New and Renewable Energy hi Dr.NP Singh,Adviser,(SHP), Dr.D.R.Das, Regioanal Director,Guwahati leh Dr.DK Khare, Director, Ministry Of New & Renewable Energy ten an rawn tawiawm a ni.
Chief Minister hi Pu PL Thanga, Member & Secretary, State Planning Board leh Pu LR Thanga, Principal Secretary to Chief Minister ten an tawiawm bawk a ni.
- Loading attachment...