Zan hnih riaka lo zin Union Secretary, Ministry of New and Renewable Energy (MNRE) Pu Deepak Gupta leh mi pawimawh dang 4 te chuan vawiin chawhnu khan Durbar Hall, Raj Bhawan-ah Mizoram sorkar hotu te nen meeting an nei.

Hmarchhak State 8 te tana New and Renewable Energy Ministry in July ni 2, 2010 a Guwahati a meeting an neih tuma an thurel bawhzuiin vawiin meeting-ah hian thil pawimawh hrang hrang an ngaihtuah a. Chung zingah chuan Mizoram tana Solar, Wind, Micro /Small Hydel Projects leh Bio-mass siamna tur atana thil tul Resource mapping buatsaih chungchanga MNRE puihna ngen leh a senso tur sum za a za tum tir tura ngen te; Arunachal Pradesh tihdan zulzui a Bangladesh leh Myanmar ramri a khua te Renewable Energy hmanga eng pek te; Solar-Wind Hybrid Project atana sorkar laipui sum pek chhuah Kilowatt 1 zela cheng nuaih 2.75 ni thin, cheng nuai 2.25 a tihhniam tak chu thil man sang zel avangin Kilowatt 1 zela cheng nuai 3 a tipung tura MNRE ngen te; Micro /Small Hydel Projects 11 siamna tura sum mamawh cheng nuai 25,422.57 atan  MNRE subsidy cheng nuai 5,650 hmuh  chu tipung turin ngenna siam te; mau hmanga Power siam chhuahna Gasifier chu a hman man a san lutuk avangin technology tha zawk leh senso tlem zawk ngaihtuahsak tura ngen te; Mizorama thingtlang  khaw 92 zetin eng la neilo te leh thingtlang khaw tam tak Power Supply mumal hmu theilo te tana Solar Home Lighting System (nizung chakna hmanga eng pek) siamna tur sum pe chhuak tura ngen te; Aizawl Solar City Project atana DPR pahnih thehluh mai tura peihfel tawh chung changa Secretary thlawpna ngen te; Raj Bhawan sak thar tura Biomass leh Renewable Resources dang hmanga eng pek dan ngaihtuahpui turia ngen te bakah Regional Meeting, Guwahati a neih tuma an thutlukna anga Solar-Wind Hybrid Project siamna tur sum 90:10 a pe chhuak tura ngen te a tel a ni.

Meeting-ah hian Mizoram sorkar atangin Chief Secretary Pu Van Hela Pachuau IAS, Planning Secretary Pu Lalmalsawma IAS, State Planning Board Member Secretary Pu P.L. Thanga, UD &PA Secretary Pu RL Rinawma IRS bakah Planning, Power & Electricity, Environment &Forests,  PWD, AH &Vety, Aizawl Municipal Council leh Department dang atangin mi pawimawhte an tel a ni.

MNRE Secretary Dr. Deepak Gupta rual hian MNRE Adviser Dr NP Singh, Regional Director Dr DR Das, Director Dr DK Khare leh Pu Bharti te an lokal a, naktuk hian Mizoram an chhuahsan ang.

Attachment

  • Loading attachment...