Vawiin chawhma dar 11:00 a.m khan Pu S. Hiato, Industries, PHE etc Minister chuan  DIC (District Industries Centre), Saiha District, Training Hall-ah   Industries Department hnuaia NLUP  2nd , 3rd   & 4th Phase atangin beneficiaries 305 te hnenah Auto Rickshaw-29 leh tangka fai Rs 37, 54,400/- a sem.  Autorickshaw 29 leh  tangkafai Rs 4,77,000/- hi  2nd phase atanga sem a ni a. 3rd & 4th Phase NLUP hnuaia   beneficiaries 297 te  hnenah  Rs 10,000/-theuh  1stinstallment atan pek an ni.

Vawiin NLUP semna-ah thusawiin, Minister chuan NLUP dawngtute hian in dawn chhan ang ngeia in hman lo chuan a pe tu che u sorkar inbum a nih lo vang a, nang mahni inbum in ni ang,  a ti.

 NLUP semna inkhawm hi Pu C.Dokulha, Manager DIC, Saiha District in a kaihruaia, Training Hall-a NLUP sem zawh a ni ve leh, Industries office kawtah Minister Pu S.Hiato chuan Auto Rickshaw 29 te  tlanchhuak tur chu a vailiam nghal.

 Auto Rickshaw 29 an sem chhuahte hi Bajaj Company siam a ni a,  13th June ,2013 a launch chauh a ni. Aizawl Show Room rate chuan pakhat man hi Rs 1,21,950/- niin,  pakhat zelah  Rs 5950/- discount hmuin NLUP a sem atan hian  sorkar chuan Rs 1,16,000/-in an lei a ni. Kolosib District-ah Auto Rickshaw hi sem tam ber a ni a, 30 sem a ni. Saiha District in a dawta, 29 sem chhuah a ni.

 Pu Hmunsiama, Nodal Officer NLUP, Directorates of Industries, Aizawl chuan , Auto Rickshaw hi NLUP Beneficiaries te thlan-rawn leh duh-rawn a ni avangin  Saiha District in 29 lai mai in chang hi  in  vanneih hle a ni, a ti.

Vawiin NLUP semna programme-ah hian Minister Pu S. Hiato bakah Pu RT Zachono, CEM MADC, Pu Alok Swarup IAS, DC, Saiha District leh Pu Hmunsiama, Nodal Officer NLUP, Directorates of Industries, Aizawl ten thusawina hun an hmang a Minister hi MADC-a  hruaitu thahnem tak te, Official-te leh Chanchin thehdarhtute ’n an tawiawm a ni.

Attachment

  • Loading attachment...