Nimin khan Industries Minister Pu S. Hiato chuan Oil and Natural Gas Commission (ONGC) in Meidum khawdai a tuialhtheih zawnna atana lei an verh mek na hmun ' HOAB Drill Site' a tlawh. Industries Minister hi Pu V. Lalrobiaka MLA, ZIDCO Chairman, Pu R.L. Rinawma IAS Industries Secretary, Industries Department, Geology & Mining Department senior officers ten an tawiawm a ni.
Pu Hiato hian Mizoram-in leilung, thing leh mauah te hausakna a neih thu sawiin a haichhuah erawh mithiam rual lo chuan an thei lo a ni a ti. Minister hian khawvel than zelna chu gas leh tuialhtheiah te thui tak a in nghat a ni tiin, ONGC in Mizorama tuialhthei zawn hnaan thawh mek chu ropui a tih thu a sawi a; Mizoram leh Ram tana an hnathawh hian malsawmna a thlen ngei a beisei thu a sawi bawk a ni. Pu Hiato hian ONGC aiawhte chu Sorkar-in an harsatna sukiang turin eng tik lai pawhin a in hawn thu a sawi.
ONGC aiawhte hian Sorkar in lei verhna hmun panna kawng a siam leh ram chungchang tih fel vat a ni chu lawmawm tiin Sorkar chungah lawmthu an sawi a. Pu Atul Gupta, hemi hmuna ONGC hotu chuan lei verh thlen chin tur chu 4300 metre vel a ni tiin, tun dinhmun ah 3000 metre an verh tawh thu a sawi a. ONGC te hian Mizoram chu Tripura leh Cachar, tun hnaia ONGC in gas an verh chhuahna hmun ep a awm a nih avangin leh a lei chhungrilte inanna an neih avangin he lai hmun velah hian Hydrocarbons (gas leh tuialhthei) a awm an beisei thu an sawi a. ONGC te hian lei chhung an thlen chin tur 4300 metre vel an thlen hma chuan oil awm leh awm loh thu chiang takin an sawi thei lo a ni an ti. Kum sawmhnih kalta vel khan ONGC hian Bilkhawthlir leh Thingdawl khawdaia oil zawnna kawngah lei an lo verh tawh a ni.
ONGC aiawhte hian pollution vennan Mobile Effluent Treatment Plant an bun thu leh lei verh chhuah dahna tur Waste Pit pathum siama HDP Single Piece a chilh vek a nih thu leh engmah pawn lamah an paih lo thu an sawi a. ONGC te hian environment humhalh kawngah dan an zawm zel tur thu an sawi bawk a ni.
He leiverhna hmun ah hian ONGC mithiamte nen inkawm hona hun neiin Leiverhna Khawl (Drill Rig), Mud Logging Laboratory leh Drill Site te an fanpui bakah he hmun a lei verh hna an kalpui dan leh leilung awm dan te power point presentation hmangin chipchiar takin ONGC mithiamte te hian an hrilhfiah bawk a ni.
Meiduma ONGC in oil zawn hna an thawh hi thawh thuma then niin tawh hnihna zawh a ni tawh a. Lei verhna hi Survey chi hrang hrang (2D Seismic Survey, Soil Sampling Survey, Satellite Imagery leh Surface Data Analysis) an neih hnuin kumin February ni 2 khan tan a ni a; an thlen chin tur 4300 metre chu kumin December thla an thlen beisei a ni. Sorkar Laipuia Ministry of Petroleum & Hydrocarbon in New Exploratory Programme hnuaia oil zawnna a tender te zingah Mizoram Block hi telin ONGC hian kum 2003 khan hna an tan a. Oil zawn hna hi a pumpuiin May 2012 velah an zawh theih tur thu ONGC te chuan an sawi. Hortoki bula HOAA Site leh Meidum atanga 13 km vel a hla RG 2 Site te chu an la verh leh tur thu an sawi bawk.
ONGC aiawhte hian Sorkar in lei verhna hmun panna kawng a siam leh ram chungchang tih fel vat a ni chu lawmawm tiin Sorkar chungah lawmthu an sawi a. Pu Atul Gupta, hemi hmuna ONGC hotu chuan lei verh thlen chin tur chu 4300 metre vel a ni tiin, tun dinhmun ah 3000 metre an verh tawh thu a sawi a. ONGC te hian Mizoram chu Tripura leh Cachar, tun hnaia ONGC in gas an verh chhuahna hmun ep a awm a nih avangin leh a lei chhungrilte inanna an neih avangin he lai hmun velah hian Hydrocarbons (gas leh tuialhthei) a awm an beisei thu an sawi a. ONGC te hian lei chhung an thlen chin tur 4300 metre vel an thlen hma chuan oil awm leh awm loh thu chiang takin an sawi thei lo a ni an ti. Kum sawmhnih kalta vel khan ONGC hian Bilkhawthlir leh Thingdawl khawdaia oil zawnna kawngah lei an lo verh tawh a ni.
ONGC aiawhte hian pollution vennan Mobile Effluent Treatment Plant an bun thu leh lei verh chhuah dahna tur Waste Pit pathum siama HDP Single Piece a chilh vek a nih thu leh engmah pawn lamah an paih lo thu an sawi a. ONGC te hian environment humhalh kawngah dan an zawm zel tur thu an sawi bawk a ni.
He leiverhna hmun ah hian ONGC mithiamte nen inkawm hona hun neiin Leiverhna Khawl (Drill Rig), Mud Logging Laboratory leh Drill Site te an fanpui bakah he hmun a lei verh hna an kalpui dan leh leilung awm dan te power point presentation hmangin chipchiar takin ONGC mithiamte te hian an hrilhfiah bawk a ni.
Meiduma ONGC in oil zawn hna an thawh hi thawh thuma then niin tawh hnihna zawh a ni tawh a. Lei verhna hi Survey chi hrang hrang (2D Seismic Survey, Soil Sampling Survey, Satellite Imagery leh Surface Data Analysis) an neih hnuin kumin February ni 2 khan tan a ni a; an thlen chin tur 4300 metre chu kumin December thla an thlen beisei a ni. Sorkar Laipuia Ministry of Petroleum & Hydrocarbon in New Exploratory Programme hnuaia oil zawnna a tender te zingah Mizoram Block hi telin ONGC hian kum 2003 khan hna an tan a. Oil zawn hna hi a pumpuiin May 2012 velah an zawh theih tur thu ONGC te chuan an sawi. Hortoki bula HOAA Site leh Meidum atanga 13 km vel a hla RG 2 Site te chu an la verh leh tur thu an sawi bawk.
