Ni 1.2.2012 a Saiha kangmei chhuak avanga a bial chamchilh mek Pu S. Hiato chuan Relief Camp sak mek tlawh in, kangmei tuar In neitute hnenah Rs. 10,000/- theuh a pe a, kangmei tuar in luahtute hnenah Rs. 5,000/- theuh a pe bawk. Kangmei tuarte tanpui nan hian Pu S. Hiato chuan ama pualin Rs. 4,00,000/- chuang a sem a ni.

Minister Pu S. Hiato chuan Saiha in kangmei a tawrh avanga Mizoram sorkar tanpuina leh Kohhran, Tlawmngai pawl leh mipuite inpekna chu ropui a tih thu sawiin, Saiha District mipui hmangaihtute hi engtikah mah theihnghilh an ni tawh ngai lovang a ti.