Vawiin dar 10:00 am khan Agriculture Conference Hall-ah Mizoram Agricultural Management & Extension Training Institute (MAMETI) leh Extension Education Institute (North East Region), Jorhat buatsaihin ni hnih awh tur Modified ATMA Scheme chungchanga Training neih tan a ni.

He training hi Mizoram-a KVK, District Agriculture Office hrang hrang bakah tun hnaia ATMA Scheme khawih tura lak thar Block Technology Managers, Accountant-cum-Clerk-te tana buatsaih a ni a. ATMA Scheme zirtir tur hian EEI Jorhat atangin Dr.R.K.Talukdar, Prof. & Head leh Pu S. Baruah, Asst. Professor-te zirtirna pe turin an lo kal. He training hawnna inkhawmah hian ATMA Nodal Department- Agriculture Department-a Officer-ten telpuiin Agriculture Joint Director Pu Lalrinliana chuan KVK-ten Agriculture lama Research an beih thinte leh ATMA hnuaia Agriculture Extension thawh thinte intiHchak tawn nan te, Mizoram Kuthnathawktute tana chhenfakawm lehzuala hna an thawh theihna tura puitu a nih ngei a beisei thu a sawi.

Training neih zawh hian Block Technology Manager lak tharte hian Regional Agricultural Fair-2012 Guwahati-a tel turin February Ni 10 zan hian Aizawl an chhuahsan ang.