Vawiin khan Aizawl Bawrhsap Pu J. Hmingthanmawia, District Election Officer leh Aizawl Municipal Election Officer ni bawk chuan Chanchinbu mite a Office-ah kumina Local Council (LC) leh Village Council (VC) inthlan chungchanga hriat tur pawimawhte a hrilh hria a, Chanchinbu mite an kal tha thawkhat. Saiha lamah Journalist Workshop hmang turin mi 10 lai an kal avangin an kim thei lo a ni.

Kumin February 23, 2012-a LC/VC inthlan turah hian, LC tih hian Aizawl Municipal Area huam chhunga Local Council te a huap a, VC tih hian Aizawl District chhunga Village Council nei, Aizawl Municipal Area-in a huam phak loh chin te hi kawk a ni. Local Council 82-ah member 522 an awm ang a, VC 91-ah member 379 an awm bawk dawn a ni. Inthlanna hmun atan School building hman a ni deuh ber ang.

Voters : LC 82-ah 174868 awmin, mipa 83080, hmeichhia 91738 an awm, VC 91 ah voters 78985-ah mipa 39310 awmin, hmeichhia 39615 an awm a ni. Returning Officers- LC-ah 82 reserved 8, leh VC-ah 91 an awm, RO atan a venga mi hman an ni deuh zel a ni. Presiding Officers: LC-ah 174, VC-ah 109 an awm a, Polling Officer- LC-ah 448, VC-ah 247 an awm ang.

Voters 1000 aia tlemah PO- 2 zel, 1000 aia tamna hmunah 3 zel dah an ni. Security: Polling Station tinah 1 zel, hmun harsa zual 5-ah section chanve theuh dah an ni. Tun tumah hian Postal Ballot-a thlakna tur ruahman a ni a. VC thlannaa kal tur tan February 14, LC inthlannaa mahni veng loa duty turte tan February 17,18, 2012 ruat a ni.

Candidate neih dan: VC 91 ah chuhtu 1008, LC 82 atan chuhtu 1346 an ni. LC 82 atan BJP- 3, INC- 505, MNF- 455, MPC- 75, ZNP- 274, PC-15, Ind 14; VC 91 atan BJP- 4, INC 377, MNF 316, MPC 23, ZNP- 108, HPC- 53, Ind 127. LC-a candidate zawng zawng 1341, VC-a candidate zawng zawng 1008 an ni.

LC Candidate –ah mipa 1247, Hmeichhia- 94 an awm a, VC Candidate zingah mipa- 993 leh hmeichhia 15 an awm bawk.

Model Code of Conduct hi January 19 atangin February 27 thleng hman tur a ni. Helpline: LC thlan thua hriat chian duh chuan: Telephone 2316719 emaw, 9436354222 emaw, 9862363965 leh 9436351361-ah zing dar 09:30 – zan dar 10 :00thleng zawh theih a ni ang.

VC inthlan atan DLAO Office-ah Helpline siam a ni: Telephone Nos. 0389-2343065/ 2342368 emaw Mobile Nos. 9436140476 te, 9856933449 –ah te zawh theih a ni bawk ang.

Election Observer 16 ruat an ni a, LC Oberser atan mi 10, VC atan mi 6 ruat an ni bawk.

MLTP Act hi VC thlan zawh hma hian khuahkhirh lehzual tum a ni.