Nimin khan Chalfilh tlang chhip (Vanzau) a Tourist Lodge sak mek leh Khanpui a Tourist Lodge sak mekte Pu S. Hiato, Tourism Minister in a tlawh.

Minister chu hnathawh lai mek chu uluk leh chipchiar taka enin a tlawh kual a, zawh hlan a nghahhlelh awm a, tanla sauh sauh tur leh rintlaka thawk zel turin hnathawktute a chah a ni.

He Tourist Loadge sak mek hi a len tham avangin thuang thumah then a ni a. Main building, Suits & Common facilities leh Guest Room ti a sawi hran a ni a, contractor hran theuhin an thawk a ni. Main building hi Pu Rokima, Chaltlang-in a thawk a, cheng nuai 197.07 senga sak zawh tura ruahman a ni a. Suits & Common facilities hi Pu F. Lalthamuanan a thawk a, cheng nuai 50.62 sen tura ruahman a ni a. Guest Room hi Pu Lalhluna'n a thawk a, cheng nuai 57.67 sen tura ruahman a ni bawk. Kum 2008 April thla a sak tan an ni a. Kumin September thla khian zawh hman tura beisei an ni. Heng building sak mekte hi ruahmanna a felin romm chi hrang hrangte pawh a changtlung hle dawn a ni.

Attachment

  • Loading attachment...