Food Civil Supply & Consumer Affairs Minister Pu H.Rohluna Chuan nimin khan Mizoram a buhfai chawk luhna hmunpui ber Bairabi leh Kolasib District chhunga FCI kudam hrang hrangte a tlawh a, Mizoram in Buhfai chawkluhna kawnga tun aia hma kan sawn theih dan turte a hmun a enfiah a ni.
Bualpui, Bairabi leh Rengtekawn Kolasib-a FCI kudam leh Bairabi Rel head-a buhfai rawn phurh luhna hmunte Pu H. Rohluna chuan a tlawh a. Tun hnaiah hun engemaw chhung Halflong bula rel kawng a chhiat avangin Mizoramah rel hmanga buhfai phurhluh duh angin a chak lova Mizoramah Rail head pakhat chauh a awm bawk si avangin buhfai leh thildang phurh luhna kawngah thui tak kan tlakhniam phah a ni tih Minister chuan a sawi a. Guwahati a rel hotute chu a rang thei anga buhfai rawn thawn thin turin Minister hian vawi engemawzat alo ngen tawh a, reilote-ah Mizoram buhfai dinhmun chuan ziaawm lam a pan thuai a rin thu Pu Rohluna hian a sawi a. Tun dinhmunah Bairabi FCI Godown ah buhfai 17450 Quintal leh chini thahnem tak a awm mek a ni.
Mizoram buhfai dinhmun duhthusama a that theih lohna chhan dang Supreme Court in National Highway zawhtu Motor bungraw phurh theih zat 90 Qtls tia a bithliah thar chu hun hmalama 200 quintals vel phur thin tan chuan hlawkpuina tham a tlin tak loh avangin buhfai phur duh an tlahniam ta hle a ni tih pawh Minister chuan a sawi bawk. Hun hma lama Guwahati Silchar inkara nitin truck trip 30 vel buhfai phur tlan thin chuan ngai awh thei tawh lo bawk a. Mizoram a Rel hmanga buhfai thawnluh tun aia ti chak turin Central Ministry chak takin dawr nghal dawn tih Pu Rohluna chuan a sawi a ni.
Minister chuan Bairabi khaw luh dawna PWD enkawl Bailey bridge kumin 26 June atanga Indian Road Congress guideline anga truck load lak theih zat 200 qtls a bituk tharna chu uluk takin a thlir a, motor lian rihna 80 qtls. paih hnuah 120 qtls. chauh truck 1 in a phurh theih tak a vang leh he Lei hi a rim em avang te leh Bairabi kawng hi Zoram mamawh phurh chhuahna pui ber anih avanga apawimawh em si avangin thuam that a tih chak vat ngaia a hriat thu Pu Rohluna chuan a sawi a ni.
Bairabi -Assam inrina lai Minister hian a tlawh bawk a, helai hi thing leh mau , teak, etc ah Assam lam rawn inrawlh fo na anih avangin Forest leh Police check gate dah tura ruahman nise Minister chuan a ti a, Bairabi Rel station-a Forest Deptt-in teak Rel hmanga a thawnchhuah tur chhek khawm a thlir bawk a. Forest Deptt Range Office cum Rest House Rs.1 lakh senga thawm that chu Minister hian a hawng bawk a ni.
Minister hi Pu Vanlalsawma, C.F (NC) E&F; Pu Rokunga Joint Director, FCS&CA leh Kolasib atangin Pu P.L Zohmingliana DCSO, Pu Lalthlamuana Pachuau DFO leh Pi Lallianpuii DIPRO ten an tawiawm a ni.
Mizoram buhfai dinhmun duhthusama a that theih lohna chhan dang Supreme Court in National Highway zawhtu Motor bungraw phurh theih zat 90 Qtls tia a bithliah thar chu hun hmalama 200 quintals vel phur thin tan chuan hlawkpuina tham a tlin tak loh avangin buhfai phur duh an tlahniam ta hle a ni tih pawh Minister chuan a sawi bawk. Hun hma lama Guwahati Silchar inkara nitin truck trip 30 vel buhfai phur tlan thin chuan ngai awh thei tawh lo bawk a. Mizoram a Rel hmanga buhfai thawnluh tun aia ti chak turin Central Ministry chak takin dawr nghal dawn tih Pu Rohluna chuan a sawi a ni.
Minister chuan Bairabi khaw luh dawna PWD enkawl Bailey bridge kumin 26 June atanga Indian Road Congress guideline anga truck load lak theih zat 200 qtls a bituk tharna chu uluk takin a thlir a, motor lian rihna 80 qtls. paih hnuah 120 qtls. chauh truck 1 in a phurh theih tak a vang leh he Lei hi a rim em avang te leh Bairabi kawng hi Zoram mamawh phurh chhuahna pui ber anih avanga apawimawh em si avangin thuam that a tih chak vat ngaia a hriat thu Pu Rohluna chuan a sawi a ni.
Bairabi -Assam inrina lai Minister hian a tlawh bawk a, helai hi thing leh mau , teak, etc ah Assam lam rawn inrawlh fo na anih avangin Forest leh Police check gate dah tura ruahman nise Minister chuan a ti a, Bairabi Rel station-a Forest Deptt-in teak Rel hmanga a thawnchhuah tur chhek khawm a thlir bawk a. Forest Deptt Range Office cum Rest House Rs.1 lakh senga thawm that chu Minister hian a hawng bawk a ni.
Minister hi Pu Vanlalsawma, C.F (NC) E&F; Pu Rokunga Joint Director, FCS&CA leh Kolasib atangin Pu P.L Zohmingliana DCSO, Pu Lalthlamuana Pachuau DFO leh Pi Lallianpuii DIPRO ten an tawiawm a ni.
