Vawiin chawhnu dar 2 khan Deputy Commissioner's Office chamber-ah Pu Kunal IAS, DC Saiha kaihhruaina hnuaiah District Advisory Committee on Youth Programme member ten meeting an nei.
He meeting ah hian PYKKA hnuaia Inter-School Competition chungchang te, District Youth Club Award & District Youth Award 2009-2010 leh Co-ordinator Programme chungchang ngaihtuah ho a ni. PYKKA hnuaia Inter School Competition hi August-September, 2010 chhunga neih tur a ruahman a ni a, he competition hi Saiha District chhunga Middle School naupangte tana buatsaih tur a ni.

He meeting hian District Youth Club Award 2009-2010 lawmman dawng turin Mizoram Gurkha Youth Association (MGYA) Sub-Headquarters, Saiha chu a thlang a, District Youth Award 2009-2010 lawmman dawng turin mipa-ah Medila Khaila s/o K.L. Mahei, Meisavaih Saiha chu a thlang a, hmeichhia ah F. Lalthantluangi d/o F. Lalthianghlima, New Saiha chu a thlang bawk a ni. District Youth Club Award hian lawmman tangkafai Rs. 10,000/- (Cheng singkhat) leh Certificate a keng tel nghal a, District Youth Award hian lawmman tangkafai Rs. 5,000/- (Cheng sangnga) leh certificate a keng tel bawk a ni.