Vawiin zing kar khan Working Committee on Operationalisation of Referral Hospital member-te chuan Working Chairman Pu S. Laldingliana, Parliamentary Secretary, Health & Family welfare Department hovin Falkawn Referral Hospital an tlawh. He hunah hian Falkawn Referral Hospital leh Quarters hrang hrangte enfiah a ni a. Clinical Department hrang hrang hmun tur te ruahmana kawh fel a ni bawk.
Vawiin vek chawhnu dar 1:00 khan Working Committee chuan Pu S.Laldingliana, Parliamentary Secretary Pisa-ah meeting hmasa ber an nei nghal a. Meeting thurel hrang hrang zingah Falkawn Referral Hospital a rang lama luah luh a nih theih nan Chief Minister duhdan a nih angin Power Department leh PHE lam ten an tui leh power lam peih vat thei se, Staff indaihlohna phurhruk turin DHS/ DHME/Civil Hospital leh Kulikawn Damdawiin atangin thawktu siam rem ni rawh se ti te, November thla ral hma ngeiin heng department 5 Medicines, Surgery, Padaetrics, Dental, Gynaecology, Anaesthesia te hi sawn luh hman ngei ni rawh se tih te ngaihtuah ho a ni. Review Meeting hi October ni 31 ah neih leh ni se tiin an rel a ni.
He Meeting ah hian Pi Esther Lalruatkimi Secretary Health; Dr. Ramfangzauva, Director Health Services; Dr. Lalrinliana sailo, Director DHME; Dr. Lalbiakkima Med. Supdt.; Dr.Lalhmangaihi Jt. Director DHME bakah P&E leh PHE atangin Department hotute an tel a ni.
