Pu S. Laldingliana, Parliamentary Secretary chuan a bial Lunglei ‘S’ chhunga khua Mualthuam South chu Christmas hma in vawiin hian a tlawh. Heti hian  December, 2009 chhunga a bial fan programme chu a zo fel thei ta a ni. Mualthuam South ah hian mual an laih lai chu a hmun-ah ngei thlirpui a duh bakah Sub-Center sak na tur hmun thlan fel a tum tih a sawi. A bial fan na khua zawng zawng-ah NLUP chungchang sawi lang in, sorkar policy chu taimakna, rinawmna leh dikna in chhung tin ten lo hmuak in NLUP dawng hmasa ten nakin a dawng ve tur te tana entawn tlaka thawk turin a duh tih a sawi.

Pu S. Laldingliana hian a bial chhunga khua a tlawh na zawng zawng-ah Christmas leh Kumthar hlim taka an hman theih nan duhsak na leh thil pek hrang hrang te a hlan in kum upa tawh te tan lukhum lum a sem theuh bawk. Tin, Pu S. Laldingliana hian Christmas hi hlim taka an hman ve theih nan chhungkaw rethei zual thlan bik te hnen-ah an chhungkua a sa an lo lei ve theih nan a discretionary fund atangin sa lei na tur a bial chhunga khua hrang hrang ah a sem vek bawk a ni.