Parliamentary Secretary Pu S.Laldingliana chuan Zokhawthar a Trade & Commerce Land Custom Station a hmalakna hun a hman zawhin ni 16.09.2009 khan Farkawn leh Khawbung mipui te tlawh in hun a hmang. Champhai atanga lehlang a kalin he khaw pahnih Damdawi In te a hmunah chipchiar takin a tlawh a. Doctor te leh Nurse te hma-ah fuihna thu a sawi na-ah, “Tihdam rawngbawl hna hi hna a zawnga hna ropui ber a ni a, chutihlaiin a thawktuten damlo kan lo dawn sawn danah tawngkam kan hman fimkhur a tul zia leh mirethei tute pawh hmangaihna nena enkawlin kan ngaipawimawh tur a ni” tih uar takin a sawi.

He khaw pahnih mai bakah kalkawng a khaw awm Khuangleng. Samthang, Vaphai Sub-Centre te a hmun-ah tlawh zelin, an harsatna te leh an mamawh theuhte a ngaihthlak sak. Parliamentary Secretary hi, Pi K.Ropari CMO Champhai te, Pu Lawmzuala, Dy. Director(M), DHS ten an tawiawm a, Khuangleng ah Tuipuiral Group YMA te’n lo hmuakin Farkawn leh Khawbung thleng an zui bawk a ni. Champhai atanga a hawn na kawngah Khawzawl leh Kawlkulh Damdawi in te rawn tlawh zel in chipchiar takin an dinhmun a hmunah a hmuh sak.