Pu S. Laldingliana, Parliamentary Secretary chuan YMA Sub. Hqrs. Lunglei district chu nimin khan Darzo ah a hmanpui.
Hemi zanah hian Pu Dinga hi Conference khuallian ah hman a ni. Thalai sang rual kalkhawm hmaa thusawiin Pu Dinga chuan YMA kumpuan khawtlang nun siam that hi kan ram tana thil tul berte zing ami a ni a. Chumi siamtha tur chuan mimal tin leh chhungkaw tin atanga a siamthat hna hi kan tan a ngai a ni a ti. A sawizelna ah Pu Dinga chuan YMA te hian ram hruaitute hi thil dilna mai atana hman loh hi mipuite zirtirtu nise a duh thu a sawi a. Chutiang bawk chuan kan Chief Minister pawh hian mipui ten ramhruaitu tha an beisei ang bawkin ram hruaitute hian mipui tha a beisei thu a sawi a ni a ti. Hriselna chungchang sawiin Mizoram chu kristian state kan ni a, kristian te chu thianghlim leh fel tur kan nih laiin a hrisel lo leh thil tha lo laka inhnamhnawih hnam kan nihna ah hian insiamthat kan ngai a ni a ti.
Mizoramah hian tuna thisen a test tawh en in HIV/AIDS hrik pai hi mi 40000 chuang kan awm mai awm mang e tih hi mithiamte chhut dan a ni a. Chuvangin heng kawngah te hian kan fihlim theih nan sorkar leh YMA te kan thawhho a he thil hlauhawm tak laka kan fihlim theih nan theih tawpa tanlak a ngai a ni a ti.
Mizoramah hian tuna thisen a test tawh en in HIV/AIDS hrik pai hi mi 40000 chuang kan awm mai awm mang e tih hi mithiamte chhut dan a ni a. Chuvangin heng kawngah te hian kan fihlim theih nan sorkar leh YMA te kan thawhho a he thil hlauhawm tak laka kan fihlim theih nan theih tawpa tanlak a ngai a ni a ti.
