Feb.23 atanga tan Grand Mizoram Hockey Championship hmasa ber chu vawiin (Zirtawpni) khan Ramhlun Sports Complex-ah khelh zawh a ni ta a, final-ah 1st Bn MAP chuan 3-1 a 3rd Bn MAP hnehin an champion.
Final-ah hian Sports Minister Pu Zodintluanga chu khuallian a ni a, inkhawmna tawite chu Hockey Association President Pu Hmingdailova Khiangte chuan a kaihruai a, Gen. Secretary K.Lalthengliana, Sr.Coach ni bawk chuan report a pe.
Minister chuan, "Kan thalaite zirtirna dikin sawrkarin a enkawl tawh dawn a, zirtir loh pawha hetiang dinhmun kan thleng thei a nih chuan kan hma hun a eng takzet a ni. Kan thalaite hian talent an nei a, an talent haichhuah hi sawrkarin a tum ber chu a ni" a ti. Hockey khel mite tana thu lawmawm sawiin Sports Minister chuan, "Lunglei, Zobawka Sports Academy-ah Articial Turf phah a ni dawn a, March thla chho hi chuan a siamna tur sum pawh tihfel kan inbeisei" a ti. Sawi belhin, " Lehkhathiam hna hmu lo BA/MA rual tam tak Mizoramah an awm mek a, chutihlaiin Sports-ah erawh a thiam tan eizawnna tur a awm reng. Sports hi chhungkaw chawm nan a tlak tawh a, eizawnna tling a ni tawh dawn a ni" a ti bawk.
Hockey Championship-ah hian champion team 1st Bn MAP chuan Rs.30000/- bakah trophy leh certificate an dawng a, pahnihna 3rd Bn MAP chuan Rs.15000/- bakah trophy leh certificate an dawng a, hengte hi khuallian Pu Zodintluanga chuan a hlan.
Lawmman hi 4-na thlenga siam a ni a, tukin khan pathumna inchuhnaah 1st IR Bn. chuan 2-1 Kawnpui Hmar Veng hnehin pathumna an ni a, lawmmanah Rs.10000/- dawngin 4-na Kawnpui Hmar Veng pawhin Rs.5000/- an dawng ve bawk. Pathumna leh palina lawmman te hi Pu Hmingdailova Khiangte chuan a hlan.
He championship-a most promising team chu Champhai an ni a, Rs.1000/- lawmmanah dawngin Best Discipline team-a thlan Hnahthial pawhin Rs.1000/- an dawng ve bawk. Man of the tournament-ah 1st Bn MAP Malsawmdawngliana thlan a ni a, goal thun hnem ber (top scorer) chu Lalthakima leh Mangra 1st Bn MAP ve ve an ni bawk. Heng lawmmante hi MSSC Secretary Pu Lianzuala, MSSC Vice President Pu Ramzauva leh MHA Vice President Pu F.Lawmkima ten an hlan.
Hockey championship-ah hian Mizoram hmun hrang hrang atangin team 16 an tel a, heng team 16 te hi pool 4-ah henin kar kalta inrinni khan pool match khelh zawh a ni a, nimin khan semi final khelin vawiinah zawhfel a ni ta a ni.
Minister chuan, "Kan thalaite zirtirna dikin sawrkarin a enkawl tawh dawn a, zirtir loh pawha hetiang dinhmun kan thleng thei a nih chuan kan hma hun a eng takzet a ni. Kan thalaite hian talent an nei a, an talent haichhuah hi sawrkarin a tum ber chu a ni" a ti. Hockey khel mite tana thu lawmawm sawiin Sports Minister chuan, "Lunglei, Zobawka Sports Academy-ah Articial Turf phah a ni dawn a, March thla chho hi chuan a siamna tur sum pawh tihfel kan inbeisei" a ti. Sawi belhin, " Lehkhathiam hna hmu lo BA/MA rual tam tak Mizoramah an awm mek a, chutihlaiin Sports-ah erawh a thiam tan eizawnna tur a awm reng. Sports hi chhungkaw chawm nan a tlak tawh a, eizawnna tling a ni tawh dawn a ni" a ti bawk.
Hockey Championship-ah hian champion team 1st Bn MAP chuan Rs.30000/- bakah trophy leh certificate an dawng a, pahnihna 3rd Bn MAP chuan Rs.15000/- bakah trophy leh certificate an dawng a, hengte hi khuallian Pu Zodintluanga chuan a hlan.
Lawmman hi 4-na thlenga siam a ni a, tukin khan pathumna inchuhnaah 1st IR Bn. chuan 2-1 Kawnpui Hmar Veng hnehin pathumna an ni a, lawmmanah Rs.10000/- dawngin 4-na Kawnpui Hmar Veng pawhin Rs.5000/- an dawng ve bawk. Pathumna leh palina lawmman te hi Pu Hmingdailova Khiangte chuan a hlan.
He championship-a most promising team chu Champhai an ni a, Rs.1000/- lawmmanah dawngin Best Discipline team-a thlan Hnahthial pawhin Rs.1000/- an dawng ve bawk. Man of the tournament-ah 1st Bn MAP Malsawmdawngliana thlan a ni a, goal thun hnem ber (top scorer) chu Lalthakima leh Mangra 1st Bn MAP ve ve an ni bawk. Heng lawmmante hi MSSC Secretary Pu Lianzuala, MSSC Vice President Pu Ramzauva leh MHA Vice President Pu F.Lawmkima ten an hlan.
Hockey championship-ah hian Mizoram hmun hrang hrang atangin team 16 an tel a, heng team 16 te hi pool 4-ah henin kar kalta inrinni khan pool match khelh zawh a ni a, nimin khan semi final khelin vawiinah zawhfel a ni ta a ni.
