Pu S. Laldingliana, Parliamentary Secretary in a bial Lungrang tlangdung fanna a nei. Ni 13.4.2010 khan Lungrang Community Hall sak thar cheng nuai sawm man a hawng a. Hawnna thu sawiin sorkar hmalakna a hall thar an nei thei chu a lawmawmin a ropui a mitinte hian neitu nihna tak tak thinlung pu a tangkai taka hmang turin a duhsakna a hlan. He hall hawn tharah hian Chawngte Group YMA Conference zanah hmang nghalin khuallian a ni nghal a, YMA kalkhawmte hmaah thusawiin YMA anga kan ram rawngbawlna reng reng hi Pathian rawngbawlna vek a ni, a ti.
Nimin khan Chawngte (L) to Gulsil inkar RCC lei dawh pawh Pu Dinga hian a hawng nghal a. Hei bakah hian Chawngte (L) Community Hall sak thar cheng nuai riat a sak a hawng nghal bawk. Heng bakah hian Zehtet Health Clinic Centre bakah Zehtet leh Rualalung playground a hawng nghal bawk.
