Vawiin khan I& PR Auditorium ah Zoram Research Foundation (ZORF) bul tumin ZORF Distinguished Lecture Series leh ZORF Distinguished Lecture Series No - 1 neih a ni. He Lecture Series a thupui chu ‘ Earthquake Potential in Mizoram’ tih a ni. He programme ah hian Pu Lalsawta, Education Minister chu khuallian a ni a, tin Pu Thangchungnunga Chairman ZORF chuan inkhawm a kaihruai a. Geology a bik takin lirnghing lamah kan mithiam chhuanvawr Dr. Lalliana Mualchin chu Distinguished Speaker a hman a ni.
Khuallian Education Minister leh ZORF Patron ni bawk Pu Lalsawta chuan thusawiin ZORF chu Zoram leh mipuite finchhuahtu pawl pawimawh tak a ni a ti. Khuallian chuan lirnghing hian harsatna leh chhiatna rapthlak tak a thlen theih avangin, hemi kawngah hian inhrilhhriatna (awareness) tam zawk kan neih a ngai a ni a ti. Minister hian Mizoram hi Earthquake Intensity Zone V a awm kan nih angin, lirnghing hi tih takzeta kan ngaituah a ngai a ni a ti. Pu Sawta chuan lirnghing hi thil thleng thei a nih avangin kan hmachhawn ngam a ngai a, sawrkar leh mipuiin huai taka kan ngaituah a tul a ni a ti.
Distinguished Speaker Dr. Lalliana Mualchin chuan ‘Potentials & Implications of Damaging Earthquake in Mizoram’ tih thupui hmangin presentation a pe a. He presentation ah hian lirnghing chu Mizoram ah thleng thei reng anih thu sawiin, mahse a thlen hun tur erawhchu hriat lawk theih a ni lo a ti. Dr. Mualchin chuan Mizoram ah hian lirnghing zirna hmanraute tun aia a tam zawk kan neih a ngai a ni a ti a. Seismic Consultant to the Govt. of Mizoram a nih angin tunah hian Mizoram Seismic Map a buatsaih mek thu a sawi bawk . Programme tawp lamah hian Dr. Lalliana Mualchin chuan zawhna leh chhanna hun a hmang bawk a ni.
Distinguished Speaker Dr. Lalliana Mualchin chuan ‘Potentials & Implications of Damaging Earthquake in Mizoram’ tih thupui hmangin presentation a pe a. He presentation ah hian lirnghing chu Mizoram ah thleng thei reng anih thu sawiin, mahse a thlen hun tur erawhchu hriat lawk theih a ni lo a ti. Dr. Mualchin chuan Mizoram ah hian lirnghing zirna hmanraute tun aia a tam zawk kan neih a ngai a ni a ti a. Seismic Consultant to the Govt. of Mizoram a nih angin tunah hian Mizoram Seismic Map a buatsaih mek thu a sawi bawk . Programme tawp lamah hian Dr. Lalliana Mualchin chuan zawhna leh chhanna hun a hmang bawk a ni.
