Vawiin chawhnu dar 1:00PM-ah Lunglei Divisional Horticulture Office buatsaihin Sethlun V/C Hall-ah Pu S.Laldingliana, Parliamentary Secretary chuan Israel serthlum tiak 3200 chhungkua 19 hnenah sem. He serthlum tiak hi NLUP hmahruai tih a ni. He huna thu sawiin Pu S.Dinga chuan a bial chhunga khua, Sethlun-in he Israel serthlum tiak kan tih mai NLUP Programme hnuaia a dawng hmasa ber an ni chu lawmawm a tih thu sawiin tunlai khawvelah chuan scientific takin hna kan thawh a ngai a ni a ti. NLUP hnuaiah vawk emaw ar emaw vulh kan kalpui dawn anih chuan tlem tham mai vulh lova a farm anga tu leh fa lo awm zel turte tan eizawnna tling tura hmalak a ngai dawn a ni a ti a. NLUP hmangin kan ram hi chenna tlakah siam kan tum dawn a ni a ti bawk. Chuvangin a dawngtute pawhin sorkar tumdan leh duhdan ang taka tih puitlin kan tum tur a ni, a ti. A sawi zelnaah Israel thiamna hmanga serthlum phun tur te hian in hlawhtlinpui ngei kan duh a ni a ti. He scientific process hmanga serthlum ching turte hi Mizoram hmun hrang hrangah entawn in nih dawn avangin theih tawpa tan laa entawn tlaka hnathawk tur in ni tiin a fuih a ni.
He programme hi Pu L.Lalhmingmawia Pachuau, ADHO, Lunglei-in a kaihruai a ni.
Pu S.Dinga hian he hunah vek hian Sethlun V/C Hall Rs.2,22,500.00 senga sak chu a hawng nghal bawk a ni.
He programme hi Pu L.Lalhmingmawia Pachuau, ADHO, Lunglei-in a kaihruai a ni.
Pu S.Dinga hian he hunah vek hian Sethlun V/C Hall Rs.2,22,500.00 senga sak chu a hawng nghal bawk a ni.
