Vawiin khan Parliamentary Secretary Pu Lal Thanzara chuan Hunthar Veng VC ten Hunthar Veng Middle School bula approach road an siam thar 'Hunthar West Road' chu ribbon chep chatin a hawng
Hunthar West Road hawnnaah hian Vantlang inkhawm neih nghal a ni a, Hunthar VCP Pu C. Zamawia'n a kaihruai a ni. Pu Lal Thanzara chuan thu sawiin Hunthar Veng VC te chu ruahmanna tha tak neia hna tha taka an thawh avangin a fak a, hmasawnna rahbi tuk dik tur chuan 'Rinawmna' a pawimawh a, min Siamtu hre renga kal hi a pawimawh a ni a ti a. Ram chhung hmun khat chauh ni lovin ram pum hmasawnna kan ngaihtuah a ngai a ni a ti bawk. NLUP chungchang sawilangin sorkar chu dinchhuah pui loh tura sum thlawn sem a nih loh nan a fimkhur hle a, kumin chhung ngeiin NLUP sem hman tuma hmalak mek a ni tiin a sawi.
Hunthar West Road hi MLALADS (2009 - 2010) hnuaia hmalakna niin Hunthar Veng Middle School paltlanga kawng awm thin chu school hela siam a ni a. RCC a lei dawh niin 30 metre a sei a ni a, he lei siam nan hian Rs. 5,57,200 sanction a ni. Hunthar Veng VCP Pu C. Zamawia chuan kawng thar hi Hunthar Veng than zel nan leh a thlang lama huan neitute tan a tangkai hle dawn a ni tih a sawi a ni.
Hunthar West Road hi MLALADS (2009 - 2010) hnuaia hmalakna niin Hunthar Veng Middle School paltlanga kawng awm thin chu school hela siam a ni a. RCC a lei dawh niin 30 metre a sei a ni a, he lei siam nan hian Rs. 5,57,200 sanction a ni. Hunthar Veng VCP Pu C. Zamawia chuan kawng thar hi Hunthar Veng than zel nan leh a thlang lama huan neitute tan a tangkai hle dawn a ni tih a sawi a ni.
