Nimin chawhma khan Pu S. Laldingliana, Parliamentary Secretary in Public Information Campaign leh Photo Exhibition, Community Hall, Tawipui 'S' ah a hawng. He campaign hi Pu Lalchungnunga, Station Director, AIR, Aizawl in a kaihruai a ni.

Hawnna thu sawiin Pu S. Dinga chuan central sorkar in miretheite khaichhuah nan programme hrang hrang a ruahman a, chung programme te chu mipui ten kan hriat a tul a ni, a ti. NLUP sem a la nih loh chhan chu a dawngtu turte sorkar ngaihin an la in buatsaih tawh rih loh a hriat vang a ni a ti a. Siamremna hna  sorkar-in a buaipui mek a ni a ti. Rorelna dik awm tur chuan politician tha leh mipui tha neih a ngai a ni a ti bawk.

Chawhnu lamah Technical session neih a ni a, zawhna leh chhanna te neih a ni. Pu S. Dinga hian Tawipui 'S' PHC a he campaign puala Free Clinic pawh a hmunah a tlawh nghal a ni.

Zingkar-ah Directorate of Field Publicity buatsaih in Tawipui a school naupang ten Tawipui khua a PIC denchhenin sorkar laipui hmalakna leh ruahmanna mipuite hnen a puan zar lawmna nibawkin kawng an zawh.