Nimin khan Lunglei south bialtu MLA Pu S.Laldingliana chuan Mualcheng South Thlisam ram a Airport hmun tura ruahman chu a hmunah kalin a enfiah.

Thlisam rama airport tura ruahman mek hi survey turin a hmunah Engineer te tirh luh an ni a. Heng Engineer te hi hi Pu Lalthanzuala EE, PWD, Building Division Lunglei leh Pu R. Lalzidinga SDO Building South Division-I Lunglei ten an ni. Anni hian hmanraw chaw lutin khawl changkang zawk nen an vil mek a ni.

Airport tur hmun enfiahtute hian Pu S. Laldingliana hnenah an thil hmuh leh hriat te hi hrilhin Airport hi siam theih anih leh nih loh chu tun tuma an report te Airport Authority of India ten an thlir hnua a chian theih chauh tur thu an lo sawi lang a ni. An sawi danin Airport hi siam theih pawh ni ta sela, hmun khat atanga tum leh thlawh chhuah (Uni-Directional) ngai a nih tur thu te, thli kal dan a dik tawk em tih te leh thil dang tam tak thlir chian a ngai a ni an ti.

Pu S. Laldingliana hi official engemaw zatin an tawiawm a ni.