Tukin zing dar 8:00 khan Pu S. Laldingliana Parliamentary Secretary chuan a chenna in Lunglei-ah Lunglei tualchhung Chanchinbu mite kawmna a nei. Thuthar lakhawm tute hma a thusawiin Pu Dinga chuan kan Chief Minister zahawm tak duhsakna changin reilote ah Helicopter service pawh Lunglei ah a awm thuai dawn a, thlawhna tumhmun pawh an neih thuai a beisei thu a sawi. Mizoram
Border insumdawnna hrang hrang Zokhawthar leh Kawrpuichhuah in sumdawnna tha tak a awm theih nan sawrkar chuan chak tak in hma a la mek a ni a ti. Multi Model Transport Project pawh kumin March thla ah tan theih anih a beisei thu a sawi bawk. Sport lam ah pawh hmasawnna chi hrang hrang a tak ram thleng turin hma lak mek a ni, a ti. Tun atanga rei lo te ah Bangladesh ah Border Trade (Tlabung) kan tih thin tih puitlin anih theih nan sawrkar level a a tul ang anga inbiakna nei turin kal an tum thu a sawi bawk. Tualchhung chanchinbu mite Pu Dinga chung ah an lawm in an kal tha hle a ni.