Vawiin chawhma dar 10:30 khan RTP Hall Bazar-ah Lunglei District Boxing Championship 17th -19th Feb. 2010 a neih chu Pu Joseph Lalhimpuia, Vice Chairman HPC Lunglei in a khar.

He kharna ah thusawiin Pu Mahima chuan Lunglei District Boxer-te India ram leh khawvel thleng pawha hriat hlawh tur a tan la tur in a fuih a. Chumi tur chuan tumruhna,taimakna leh insum theihna neih a ngai a ni, a ti. Lunglei District hi Model District ni turin kawng tin reng ah hma lak mek a ni a, kawngpui tha kan neihna tur te, Power Supply tha kan neihna tur te in Chief Minister duhsakna a zarah theihtawp chhuah mek a ni, a ti. Kumin January thla hi Mizoram ah Power kan hmuh tam ber thla a ni a, mahse a hmangtu leh a hmanna a pun zel avangin duhthusam erawh chuan hman tur kan nei lo mai a ni a ti. Hun lo kal zel atana intodelh turin kawng hrang hrang in sawrkar chuan ruahmanna te siam in hma a la mek a ni a ti.