Vawiin chawhma dar 10:30 khan Mizoram Police Service Association chuan a tum 6 na atan General Conference Arya Mess (PHQ Aizawl) ah an nei a, Pu R. Lalzirliana, Home Minister chu khuallian niin, Pu Lalrinmawia, MLA he department changtu Parliamentary Secretary chu khual zahawm a ni bawk.
Police Service Association kalkhawmte chu fuihna neiin Pu Zira chuan, “Backbone of the State in nih avangin rukru, corrupt, misual leh zurui te man tur hian heng lakah hian nangmahni in fihlim tur a ni, chumi ah chuan zahawmna pawh in nei thei ang” a ti.

Pu Zira chuan fuihna fuihna thu sawi zawmin, Police te chu sum lama koham an awm a hlauh thu leh dikna tan a huaisen turin a sawm bawk.

Pu Lalrinmawia, khual zahawm pawhin thu sawiin, tunlaiin Police te an hmingthat avangin Police tan chakawmna a lo awm leh ram leh hnam himna atan theih tawp chhuah zel turin kalkhawmte a fuih.

Vawiin committee hi Pu John Neihlaia, President, MPSA chuan a kaihruai a, Pu Lalrokhuma Pachuau, DGP chuan thu a sawi bawk a. Pu F. Lalthantluanga (L) May 26, 2008 a thi sunna nei bawkin, Pu C. Laldina, Vice President, MPSA chuan lawmthu  sawina a nei bawk.