Mizoram Chamber of Commerce (MCI) in  Rajiv Gandhi Udyami Mitra Yojana hnuaia  Entrepreneurship Development Programme chawlhkar thum atan training a buatsaih chu vawiin khan Pu S. Hiato, Industries Minister chuan a khar.

Minister chuan India sawrkar hian India state zawng zawngah hian industries din uar a, mahni ke a dinga midangte ruai chhawng turin a duh a, hei hi ti hlawhtling turin  training chi hrang hrang a buatsaih thin a, tun a training pawh hi hmang tangkai ngei turin training chhuak te chu a chah a. Mizoram ah industries lian pui pui din thei lo rih mah ila, kan ram hausakna mau te hmang tangkai a kan enkawl theih ang  industries din turin a fuih. Pu Hiato chuan industries din loan an la anih pawhin tih takna rilru pu a, tha taka loan rul leh tur leh an project chu ti puitling ngei turin a chah in an project thlan chu mipui chhawk zangkhai zawng project ni zawk turin a chah bawk.
    
Kharna inkhawm hi Pu K. Lalhmingthanga, President, MCI in a kaihruai a, mi 32 traing chhuak te hnenah Minister hian Certificate a hlan. Training hi Mizoram University, ICFAI University, SARAF & Chandra Chartered Accountant, Kolkata, SIDBI, Industries Department Officer bakah mithiamte dangte an pe.