Vawiin zing dar 10:00 khan Education Minister Pu Lalsawta Office thar Secretariat New Capital a mi chu Mission Vengthlang bial Pastor C.Lalsangliana’n Pathian hnenah hlanin Pu Sawta chuan Office thar chu a luah tan a.
Office thar Pathian hnena hlantu Pastor C.Lalsangliana chuan kan ramah rorelna dik a awm theihna turin MPF ten ta la in Pathian hnenah an dil a, inthlanna kan neihah Congress Party chu roreltu turin Pathian in min pe a. Beiseina sang tak nen sawrkar hi kan thlir a, Pathianin a aiawh tura roreltu tan a ruat an ni a. Pathian duh zawnga roreltu tur niah in ngai se, mite manganna atanga chhanchhuaktu an nih theihna tur leh Pathian duh zawng an hlen chhuah theihna turin i tawiawm ang u a ti. Pastor C.Lalsangliana chuan ram leh mipui tana hnathawk tur Minister buai tak an nih lai a, bial mipuite hian bial chhunga mithite vuina a tel vek tura kan dah hi kan ti lutuk a ni lo maw? a ti.
Pu Lalsawta chuan a Office chu ram rawngbawlna atana tangkai tak a nih theihna tura Pastor C.Lalsangliana chu Pathian hnena hlan tir a nih thu sawiin, Pu Hawla, Chief Minister in a sawi tawh angin sawrkar chu party sawrkar a ni dawn lo a, dikna leh a phu ten hmun an chang ngei tur a ni, a ti.
Pu Lalsawta chuan a Office chu ram rawngbawlna atana tangkai tak a nih theihna tura Pastor C.Lalsangliana chu Pathian hnena hlan tir a nih thu sawiin, Pu Hawla, Chief Minister in a sawi tawh angin sawrkar chu party sawrkar a ni dawn lo a, dikna leh a phu ten hmun an chang ngei tur a ni, a ti.
