Vawiin chawhnu dar 2 : 00 khan Saiha-a cham mek Pu S.Hiato, Minister i/c P.H.E. etc chuan D.Cs Conference Hall, Saiha-ah Department hrang hrang hotute meeting a neihpui.

He meeting-ah hian thu sawiin Minister chuan sawrkar in department hrang hrang a hma a lak tawh leh a hmachhawp te sawilang in Saiha District chhung ah khaw pakhat chiah motor luh theihlohna a awm tawh thu a sawi a, hei pawh hi chaktaka hmalak mek niin hawn thuai a nih tur thu a sawi a, India leh Myanmar in sumdawn tawnna chungchang pawh sawi langin kawngpuitha neih a pawimawh ani ati bawk. Electric chungchang ah pawh nasa taka intodelh tuma hmalak mek anih thu a sawi a, Saiha Damdawiin sak hna pawh tan thuai anih tur thu leh Nursing School leh Polytechnic Building sak tur te pawh Sanction Order chhuah anih tawh thu a sawi bawk. Sawrkar in Education Department bikah School 337 a lak thar tawh thu sawiin Tui lama harsatna kan tawh hrang hrang te pawh theih tawp chhuaha sutkian tum mek ani, tiin Saiha Water Supply Scheme atan cheng vaibelchhe 21 sanction anih thu a sawi bawk.He hna hi thawh zawh anih chuan Tui lama harsatna kan tawh te hi sutkian ani ang a ti bawk. Saiha District chhungah khaw 2 chiah Tui pek lohna khua a awm a heng khua te pawh hi Tui pek dan tur ruahmanna siam mek ani a ti bawk. Minister chuan Tourist Lodge sakna tura hmalakna hrang hrang te tarlangin khaw tam takah Tourist Lodge hi sak thar ani a, sak belh zel tuma hmalak ani, ati bawk. Mizoram ah pawh District kilkhawr ber ni mah ila Mizoram leh Central sawrkar hian min theihnghilh lova kan hmasawn zel na turin theih tawpin hma chaktakin a la mek ani a ti a, Department hrang hrang building chhe tawh te pawh sakthat hnathawh tuma chaktak a hmalak mek a ni a ti bawk.

He meeting ah hian District Bawrhsap Pu Kunal IAS bakah department hrang hrang a hotu te an tel a, department hrang hrang hotute chuan an department harsatna hrang hrang te Minister hnenah hian an thlen nghal a ni.