Union Home Minister Pu Chidambarama’n ni 4.4.2012 leh ni 5.4.2012 a Aizawl a rawn tlawh tur ah a hnuai a mi ang hian SP Traffic chuan ruahmanna a siam.

April ni 4(nilaini) hian tlai dar 3:00 atanga 4:30 inkarah Thuampui - Bawngkawn Sairang peng inkarah 407 chin chunglam motor eng chi mah hun phal a ni lo.

Hemi hun chhung vek hian Sairang Peng atanga Raj Bhavan inkar, Chaltlang, Chandmari, Zarkawt, Dawrpui leh Treasury Square kal tlangin lirthei eng chi mah kawng sir a dah phal a ni lo.

April ni 5(ningani) ah pawh Sairang Peng atanga Raj Bhavan inkar, Chaltlang, Chandmari, Zarkawt, Dawrpui leh Treasury Square kal tlangin lirthei eng chi mah kawng sir a dah phal a ni lo.

Hemi ni 4 & 5 April, 2012 hian khawpui chhungah lirthei chet vel khap a ni lo a. Amaherawhchu VIP chet vel dan a zir a motor chet dan thunun a ngaih avangin motor khalhtute leh mipuite hriatthiamna SP Traffic chuan a ngen a ni.