Vawiin khan District Institute of Education Training (DIET) Lunglei te chuan Annual Function an hmang a, Pu S. Laldingliana, Parliamentary Secretary chu khuallian a ni. Vawiin Annual Function hmanna DIET Assembly Hall a neih hi Pu Lalsangvuana Senior Lecturer in a kaihruai a, Pu H. Lalzarliana, Vice Principal in kalkhawmte lawmna leh an harsatna te khuallian hnen ah hian a thlen a ni.

Khuallian Pu S. Laldingliana chuan thusawiin zirtirtu ni tur a inbuatsaih mek training te chu zirtirna kawng ah leh kan la zir mekna zawnah tih tak zet a hna kan thawh a ngaih thu a sawi a, zirtirtu kan nih hunah pawh All India Competative Exam hmachhawn ngam ngei tur a naupang te an tet te a tang a zirtirna pek hi kan mawh phurh na a ni a ti. Pu S. Laldingliana chuankanchenna khawvel hi a thiam leh a tha dinchhuah na khawvel a nih tawh a vang in hnam upa zawk vai hote zirna kawng ah tih takzetin an tlan mek a, keini zofa te pawh hian theih tawp i chhuah zel ang u ti in kalkhawm training lai te hi a chah a ni. DIET zirtirtu ten an harsatna hrang hrang an thlen te pawh SCERT a hotute hnen ah theihtawp a chhuah pui tur thu a sawi a ni.

DIET Lunglei hi 1974 ah TTI tia din tan a lo ni tawh a, Tun thleng hian Zirtirtu Training chhuak 3307 awm awm tawh a ni.